دماغ البرشام والكيماويات

دماغ الكودافين وأدوية الكحة.

بتحس بإيه:
                             • تحس بهدوء وصفاء غريب.                             
• ممكن تنبسط وتروق
• ممكن تنعس وتسَقَّـط
• جسمك يسخن وتعرق.

بيبقى شكلك إيه:

• شكلك بيبقى مسطول ونعسان.
• بتبقى رايق روقان مش طبيعي.
• ممكن تبقى مش على بعضك.

تتكلف قد إيه:

• دي بقى بتكلف فلوس كتير.
• ممكن بسرعة تكلفك سمعتك وصحتك ودراستك أو شغلك.
• لو دخلت في البودرة (اللي هي بنت عمها)
يبقى ركبت التوربيني اللي رايح للضياع.

دماغ البودرة بتحس بإيه:• زي الكودافين وأدوية الكحة بس أسرع ولو بتحقنه يبقى أسرع قوي.

بيبقى شكلك إيه:• بيبقى شكلك زي اللي ضارب دوا كحه بس أشد شوية.

بتتكلف قد إيه:    • ديه بقى بتكلف فلوس كتير.
• مهما كان معاك فلوس لازم حاتسرق.
• ده طبعاً غير النصب والكدب. حاتضايق جداً لو إنت مش بطبعك كداب ونصاب.
• ممكن قوي تتاجر في البودرة علشان تطلع حق دماغك.
• الجنس في الأول حاتحس إنه أحسن لكن بعد شوية …إنسى….
• الموت سهل قوي لو ما لعبتهاش صح في الجرعة أو لو البودرة مغشوشة وده ممكن يحصل علشان البودرة غالية.
• ممكن تتزنق وتسخدم حقنة مطرح واحد تاني لو عملت كده أقل حاجة تحصل لك هي فيرس سي اللي بيعمل تليف في الكبد ثم سرطان في الكبد. الإيدز وارد كمان.